Densaýlyq saqtaý mınıstrliginiń málimdemesinen keıin, 93 naýqastyń qataryna taǵy 16 adam qosyldy, olardyń bári vırýs juqtyrǵandarmen tikeleı qarym-qatynasta bolǵandar.
Bul 16 naýqastyń bireýiniń jaǵdaıy aýyr, qalǵandarynyń densaýlyǵy qanaǵattanarlyq.
Olardyń bári de koronavırýs juqtyrǵandyǵy rastalǵanda stansıonarda bolǵan.
Tórt naýqas «Máskeý – Almaty» reısimen ushyp kelgen bir jolaýshymen baılanysta bolǵan. Olardyń bireýi naýqastyń anasy men 2009 jáne 2017 jyldary týǵan eki balasy jáne bir baılanysta bolǵan adam.
Kóńilge demeý bolatyn jaǵymdy jańalyq – búgin Covid-19 indetinen taǵy 6 naýqas aýrýhanadan jazylyp shyqty. Onyń 5-ýi áıel, bireýi er adam.
Ekeýi – 16 naýryzda Stambýldan, ekeýi – 10 naýryzda «Máskeý – Almaty» reısimen ushyp kelgen, taǵy bireýi – 13 naýryzda Berlın reısimen jetken, endi bireýi vırýs juqtyrǵan adammen baılanysta bolǵan.
Almatyda koronavırýstan emdelip shyqqandardyń jalpy sany – 19.
Olardyń bári qazirgi tańda 14 kúndik úı karantıninde.
Búgingi kúni qalalyq juqpaly aýrýlar aýrýhanasynda koronavırýs ınfeksııasyn juqtyrǵan degen dıagnozben 91 pasıent jatyr. Olardyń bireýi Almaty oblysynyń turǵyny (áıel adam).
77 naýqastyń jaǵdaıy qanaǵattanarlyq. Eki eresek adamnyń hali óte aýyr, 1 naýqas aýyr jaǵdaıda, 11 eresek naýqastyń jaǵdaıy ortasha (aralarynda oblystyń bir turǵyny bar).
Provızorlyq ortalyqtarda búginde 655 adam bar, olardyń 83-i bala, eki kúndik karantınde 523 azamat, al úı karantıninde 4411 adam otyr.
ALMATY
